Hei, mia warn auf’n Berg, auf’n Heiberg. Eigentlich woit ma nur Krokus suacha und was hamma g’fundn? A Krokuswiesn zum Eineleng und dazua a no drei Gipfe. Da war uns boid da Gipfeschnaps ausganga. Für no oan mehra hätts ned glangt. A leichter Weg aufn Heiberg, a unwegsamer auf’n Kitzstein und a gloane Kletterei auf’d Wasserwand. Für jeden Geschmack war was dabei, manche von uns warn auf alle drei. Und natürlich a gmiatliche Einkehr auf da Sonnenterasse von da Laglerhüttn had no dazua kead. 15 Mädl und zwoa Manna warns de bei bestem Bergwedda de Tour unternomma ham.
